المساعد الشخصي الرقمي

عرض الإصدار الكامل : ][®][^][®][يـــــوم فــــــي حياة عضـــــو][®][^][®][

رجيتــــ لاتخليني ــــك
02-Dec-2005, 08:38 AM
موضوع جميل وخفيف وياليت الجميع يشارك فيه
الفكره عجبتني وحبيت اطبقها بمنتدانا..

سنقوم باستضافة عضو..يحكي لنا عن مسار يومه
من يصحى صباحاً حتى يروح يخمد للنوووم...

متحدثاً بحريه تامة وبأسلوب..عفوي جداً.وكم جميل لو كان به
بعض المــرح والإنطلاق والتحرر من قيود المواضيع الرتيبه

ثم بعد أن ينتهي يقوم هو شخصياً بأختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي
يختار هو العضو الذي يليه وهكذا....

ونا اول من سيختار....
كاتب لطالما جذبني بـ لوحاته الادبية البديعه
و دوماً استمتع بوجودي في تلك اللوحات
كتب فأبدع واحس بالكلمة فعبر بها
فأعطاها قوتها.. واروى عطشنا بها
صاحب قلم جميل اتمنا ان يشاركنا لحظات من المرح
ويطرح لنا كيف يبداء يومه.... هـــــــــوا... قلم الابداع

اعلامي


يلا فليتفضل مشكورا لا مئمورا
رجيتــــ لاتخليني ــــك
03-Dec-2005, 08:28 PM
اعلامي وينك ... رد على الموضووووع نبي يووووم بس
اعلامى
03-Dec-2005, 09:07 PM
بسم الله الرحمن الرحيم...
دائماا ما احب اتكلم عن نفسى ...
بس المرة هذه اقول لاجل عين تكرم مدينه...
وراح اتكلم عن نفسى بشكل بسيط
اذهب للدوام الساعه السابعه صباحا
واندمج فى معظم الخطابات الخاصه بوكالة كليات البنات وتنسيق امور العلاقات العامه....
الى ان ينتهى الدوام الساعه 2 ظهرا...
اذهب الي البيت واحط راسى وانام ...
اقعد من النوم على صلاة المغرب...
اروح لستار كافيه واخذ قهوة بحجم ببسيى العائله...
ثم اذهب الي جريدة الاقتصاديه كونى احد المتعاونين معها..
الساعه 10 اروح للكنيسه قصدى للاستراحه الخاصه...
اقضى بعض الوقت فيها....
ثم اذهب اليى البيت الساعه الواحدة وانــــــــــــــــــــــــــــــــــــــام
وانتهى اليوم الجميل وغداً نلتقى فى الحلقه الاخيرة



لن انسى هذا الاحراج
و اوعدك انى راح ارده
باقرب فرصه....................


وسوف اقوم باختيار شخص يتحدث عن يومه
وهو
وهو
وهو


جـــــــــــــــــــــــــــــــــــــــــــــــــ ـــــــــــــــــــــــدة
ويعطيكم الف عافيه
رجيتــــ لاتخليني ــــك
03-Dec-2005, 10:43 PM
و ين اعلامي نبي التفصيل الممل .... ماقلت لنا وش سويت بالعمل وشنو الخطابات ومنو قابلت

وبشنو سولفت مع زملائك و .. و


والجريده شنو سويت فيها .... ويوم رحت للكنيسه شنو كنست فيها

لا ماااااعجبني هاليوم ... اعلامي استعد بيوم ثاني تنورنا به
رجيتــــ لاتخليني ــــك
03-Dec-2005, 10:56 PM
يلا ياجــــــــــــــــــــــــــــــــــده .... نبي يوم من ايامك العديده
حياة الروح
04-Dec-2005, 07:01 AM
شكراً لك يارجيتــــــــــــــــــــــــــــــك
والشكر لإعلامـــــــي
ماشاءالله موضوع مميز
ويستحق التثبيت
تحدوهاالبشر
04-Dec-2005, 10:28 AM
رجيتك دائما مواضيعك مميزة يعطيك العافية بجد دائما انتظر منك كل ماهو شيق وممتع
بالنسبة لي لاجي في بالكم في يوم من الايام لانه يومي زي امسي انام واصحى على النت
يالله ننتظر جدة يجي يحكي عن يومه ويصير يوم في حياة المشرف العام
رجيتــــ لاتخليني ــــك
04-Dec-2005, 07:16 PM
مشكوووره حيااااااااة على المرور والتثبيت
رجيتــــ لاتخليني ــــك
04-Dec-2005, 07:21 PM
تحدوووهااااااااا انتي المتميزه بوجودك .. وراح يجيك اليوم ياحلو استعد
تحدوهاالبشر
05-Dec-2005, 06:38 PM
ياجماعة حلو الموضوع ليش مافي حماس مافي حركة
اعلامى
05-Dec-2005, 08:36 PM
وينك يا جــــــــــــــــــــــــــــــــــــــــــــدة
نبى نعرف عنك الكثير
طيب
طيب


اذا لم يرد اخونا جــــــــــــــــــــــــــــــــــــدة
اغير الاسم واختار
اختار
المتألقة دائماً
تحـــــــــــــــــــــــــــــــــــــــــــــــد وها البــــــــــــــــشر
ولكم تحياتى
رجيتــــ لاتخليني ــــك
05-Dec-2005, 10:13 PM
والله جده من حطينا هاليوميات ماشفنا وجهه... وت از هو السبب
تحدوهاالبشر
06-Dec-2005, 12:36 AM
اعلامي اشكرك على اطرائك بس للاسف اختيارك كان خاطيء لسبب وهو انه ماعندي سالفة احكيها انام على النت واصحى عليه كل يوم نفس الشي حتى مافكر اطلع ابدا لا ومداومة بالموقع هنا ههههههههههه يعني شوفو احد عندو برنامج مو روتين متكرر
وفعلا يارجيتك الادمي حط رجله
عموما انا اختار من عندي اختار مممممممممممممم المحترم
جدة
07-Dec-2005, 05:38 PM
انا جيت

تبغون عن يومياتي
كل يوم عندي مختلف
ايت يوم تبغون
اوكي احكيلكم عن اليوم



انا أصحى الصباح واروح على النت واطقطق بالشات والمنتدى
الى الظهر بعدين اروح عند التلفزيون اشوف فلم مره عاجبني
بعدين اروح انام.
واصحي الساعة 9 بالليل اروح اخرج برى اشوف احد من ازملائي
الى الساعة 11 اروح اتعشى وبعدين اروح عند التلفزيون اشوف كذه كم مسلسل
الى الساعة 2 بالليل بعدين اروح انام وأصحى بالصباح واروح على النت .........الخ


ابغى يوميات
رجيــــ لاتخليني ــــتك



والله الموضوع يستاهل التثبيت
رجيتــــ لاتخليني ــــك
07-Dec-2005, 05:47 PM
ابكتب يوميااااااااااااا تي بس اصبرو علي مشغوله هاليومين
جدة
08-Dec-2005, 06:22 AM
لا تتهربي يارجو
جدة
08-Dec-2005, 06:23 AM
لا تتهربين يارجو
جدة
08-Dec-2005, 06:25 AM
لاتتهربين يارجو
رجيتــــ لاتخليني ــــك
08-Dec-2005, 03:22 PM
مو اتهرب.. وليش اتهرب عشان يوميات


بس انا ابختار لكم يوم واكتبه بالتفصيل الممل

موزي جدووه انت والاعلامي
رجيتــــ لاتخليني ــــك
09-Dec-2005, 11:24 PM
السلام عليكم ... يلا جبتلكم يوم من ايامي المتكرره


اليوم : الاثنين بتاريخ : مدري نسيت التاريخ

المهم

قمت الساعه 5 لصلاة الفجر صليت ورجعت للسرير وكان علي اختبار كنت مطنشته بس طبعا قلت عيب يابنت تاخذين زيرووو ( يعني صفر بالعربي ) .. فتعوذت من ابليس وحفضتلي كم كلمه لحد الساعه 6 المهم

جت 6 وخلصت مذاكره الحمدلله

استعديت من 6 الين 7 للمعهد من لبس وغيره يوم جت 7 الا اختي تناديني السايق جى ... وبعد مانادوني خمسين مره ....تكرمت و طلعت للسايق ركبت السياره وصلت للمعهد نزلت من السياره وطبعا كالعاده السايق نفس السؤال من بداية السنه
كم فيه انا اجي ( سايق بنغلاديشي ) وانا ارد عليه نفس الاجابه الساعه2 تعال .. دخلت المعهد نزلت العبايه وتعطرت

وقلت الله يعين ومشيت ... لقيت شله صبحت عليهم .. وكملت المسير ولقيت شلتي واجيهم وهم يذاكرون ودخلت معاهم اذاكر ومالي الا ربع ساعه الا تجيني بنت تقول تعالي جى دورك اختبري وطبعا اختكم في الله مذاكره حافضه البروسيجرات ( الاختبار اسعافات اوليه عملي ) كامله .. واقولها لا ابذاكر شوي.. يابنات وحده تدخل بدالي ارفضو كلهم... والدكتوره يابت يالله خوشي دا الاختبار سهل .؟؟ وانا اقول ايه سهل واستسلمت للامر

ودخلت

قلت بسم الله واجلس على الكرسي المقابل للدكتوره . تقولي اختاري ورقه ( طبعا الدكتوره مصريه ) ؟؟ اخترت طلعلي اسهل سؤال ( السؤال كان شيكي على البلس يعني النبض ) وانا ضحكت قالت الدكتوره مالك قلت بس هذا السؤال قالت ايوه .. قلت اكيد قالت ايه واحنا بنهزر( مصريه لا تنسون ) قامت الدكتوره وقالت يالله شوفي البلس على الدميه قلتلها هنا واشرتلها على المكان قالت برافو وبس واخذت الدرجه الكامله قلت خلاص قالت ايوه .. وطلعت وانا مو مصدقه

المهم طلعت من المعمل والبنات يسئلني واقول سهل الاختبار وطلعت من رجت البنات وتوجهت للكفتريا وشريت لي فطور ورحت قعدت بروحي افطر وانتظر صديقاتي يخلصن من اختبارهن

وحوالي الساعه 8 ونص جت الدكتوره تقول يلا الباص جى وراحت كل وحده منا تستعد للطلعه ونلبس الخمار وطلعنا للباص ووبالجدول كان يومي مستوصف ونزلت للمستوصف دخلنا وكان معاي اربع بنات

ومن بدايتها اكرفونا بالشغل وساعدناهم على المرضى ناخذ ضغط وحراره ووزن ونظمد اجروح المهم جت الساعه 9 و وخلصنا شغل ... جلسنا نسولف مع بعض ربع ساعه الا التلفون يدق والمدير يقول خلو البنات يقصرن اصواتهم .. وسمعنا كلام المدير وسكتنا


ومليت من البنات ورحت غرفت الدكاتره وقعدت فيها اسمع سوالفهم (( عاد ماابي اكتبها لكم اسرار المهنه ))
وجلست معاهم الى الساعه 12 والمستوصفات دوامهم يخلصون هالوقت واتصلنا على الباص وجى اخذنا من المستوصف .. ورجعنا للمعهد مره ثانيه وانطقينا في المعهد لحد الساعه 2 ننتظر بنات المستشفى وبعدين جى السايق 2 وطلعت ..



رجعت للبيت .. وامي مجهزه الغدى تغديت مع اخواني واحكيلهم وش صارلي بالمستوصف .

المهم خلصت الغدى ورحت للنت اتصفحه الين الساعه 3 صليت العصر ونمت


قمت المغرب تقهويت مع امي .. وارجع للنت مره ثانيه واقعدت عليه الين الساعه وحده


بعدها حطيت راسي ونمت استعدادا ليوم جديد


وبس هاه وشرايكم بيومي وبالتفصيل الممل .. بالله مو احسن من اعلامي وجده
رجيتــــ لاتخليني ــــك
09-Dec-2005, 11:38 PM
يووووووووه نسيت اقووووووول مين بعدي .... اختااااااااااااار















العاشق الولهان


يلا نبي يووووووووووم من ايااااااااااامك عاااااااااشق
اعلامى
10-Dec-2005, 12:13 AM
من ناحيه احسن
فأنتى احسنتى التفصيل فى يومك :1 (95):
ويعطيج الف عافيه
بس هاليوم جاء بعد عناء

_______ الصراحه حلوة _______
العاشق الولهان
10-Dec-2005, 04:27 AM
الســـــــــــــلام عليكـــــــــم



يلا جبتلكم يوم معنه ايامي مو ممتكره الا في الليل بس متكرره

اليوم : الاربعاء الي قبل امس

صحيت الساعه سبع ونص رحت يم الدوام لقيت الشباب جايني قبلي طبعا

متاخر كل العاده ?

طلبت شاي وقعت اسمع الشباب شنو يتكلمون عنه يتكلمون عن علاوه

مخوصمه منا ......

ماجزتلي سالفتهم , واخذت الجريده ورحت للمكتب الثاني وجلست اقري

الجريده واخذلي فنجال قهوي .

وجاي صدقي غازي جلس معاي يشكلي يقول ما ينام في الليل

قلتله اقري المعوذات وراح تنام

وشوي ولا جايبين الفطور الشباب

كان الفطور: فول , بيض , حمص , فلافل

تفطرت وغسلت يدي

مدريت الا الساعه عشــر قلتلهم انا بطلع عندي شغل


والله لا شغل ولاشي , رحت يم البيت ولقيت اخوي في البيت قعدت معاه

نسولف ونطالع التلفزون

ويجي جارنا ابو عبدالعزيز

كل العاده يتشكا من الدنيا

لين جت الساعه 12 صليت ورحت انام

وقعدت الساعه 2 ونص صليت العصر ورحت يم جرانه

العب معهم بلي شتيشن كره قدم طبعا كله خسران

وبعدها اذن المغرب رحت للبيت وشغل الكمبيوتر

وكلملي واحد في الماسنجر

واجلس معاه الين الساعه 8

وبعدها كل العاده اروح حق الشباب نلعبه بيلوت

بس اعجبكم في البلوت فنان فيه


لين تجي الساعه 11 اروح للبيت واشغل الكمبيوتر

وشوف من في الماسنجر وشوف اخر شي شنو صار في المنتدي

وبعدها انام ...............
جدة
10-Dec-2005, 01:50 PM
احلى يامفصلين ايامهم

هع هع هع هع هع هع


العاشق ما أخترت اللي بعدك
العاشق الولهان
10-Dec-2005, 06:38 PM
نسيت والله اندمجت وانا اكتب بس مدام انك ذكرتني

راح اختارك ( جده) لانك انت ما قلت يومك بتفصيل

ابي تقول يومك في الدقايق والثواني


هههههههههههههههههههههه

:1 (60):

صباح الشوق من قلب تبسم يوم صبح بك
رجيتــــ لاتخليني ــــك
10-Dec-2005, 09:15 PM
يلا جدووووووه...... نبي يووووم عدل
جدة
13-Dec-2005, 03:42 PM
يؤ يؤ يؤ يؤ يؤ يؤ

لا خلاص اختاروا غيري
انا قلت يومياتي
خلااااااااااااص دوروا غيري
العاشق الولهان
13-Dec-2005, 04:31 PM
لا انا اخترتك انت لازم تقول يوم في حياتك

لانك ما قلتها في التفصيل

يله لاتاخر علينا مشتاق اشوف شنو تسوي في يومك

:1 (29):
مرمر زماني
13-Dec-2005, 10:17 PM
سلام الموضوع مشوق بس جدة شكله ما درا عن الموضوع
وانتضر رد جدة نشوف يوم من الايام جدة:1 (28): اانا انتضر
المطنوخ
14-Dec-2005, 02:34 AM
السلام عليكم ورحمة الله وبركاته

موضوع صراحة يستحق التثبيت


لكن عندي عشان يكون فيه حماس للموضوع ليه مايكون هناك احسن موضوع ( اقصد احسن يوم ) ويكون التقييم من حيث احداث اليوم وتفصيلة وطريقة عرضة لنا واسلوب التشويق والفكاهة لانه الى الان مارايت مايستق الذكر الا موضوع ( الدكتــــــــــورة ) والعاشق الولهان


وشوكررررررن
رجيتــــ لاتخليني ــــك
14-Dec-2005, 06:36 PM
المطنوووووووووخ منو الدكتوره ليكون انااااااا ... ياليت دكتوره بس حدي ممرضه


جده ننتظر يوميااااااااااااااااااااااااااتك
هيثم النقيب
14-Dec-2005, 06:46 PM
ياناااااااااااس وربي الموضوع روووووووووووووووووعة انا ما دريت عنه بصراحة الا دوبي
اتمنى تتفاعلو معاه اكثر
يالله ننتظركم
المهاجر
14-Dec-2005, 09:15 PM
والله موضوع روعة

عشان الواحد اذا وصل الدور عنده يكون عامل احتياطه

هههههههههههههه
العاشق الولهان
15-Dec-2005, 06:52 AM
الظاهر جده للحين مالقيتلك يوم ناطريك لين تلقي يوم

خلنا نشوف


صاحب النظرة الخجولة

عطنا يوم من عندك
المهاجر
21-Dec-2005, 08:37 AM
صـــا حـب ...... نــايـــم ههههههههههههه
ههههههههههههههههههههههههههه


بـــــكر ه إن شاء الله .
جدة
05-Jan-2006, 12:43 PM
أنا قد كتبت يومياتي اول
روحوا شوفو الصفحات القديمه
اختاروا غيري

يالله صاحب النظرة الخجولة
حبيت اسلم عليك
17-Jan-2006, 02:48 AM
انتو للحين تتهااوشووون ..........

بس حلو ..اسلووب رجيتك والعاشق ...نايس والله ..يلا عااد شوفو غير جده...

جدة قاال اللي عنده .. وشااكر لصااحب الموضوووع فكرته الفانتاستيك والله ...
ضحـ صمت ـية
22-Jan-2006, 02:06 PM
يؤيؤيؤ الشله كلها هنا واحنا ما ندري



صراحه
صراحه
صراحه
موضوع رهيب يا رجيتك ودائما متميزه في مواضيعك

يعطيك العافيه على اختيارك للمواضيع الحلوه والجميله بس خلوني انا افك الشباك الي بينكم وبين جده واختار الباشا هاااوي ترو هاوي ايامه فيها مغامرات والله اسألوني عنه عشره ست سنوات يلا هااااوي

على فكره هاااوي كل مغامراته في الدتسن وبيت الشعر وفي سوق العمل ما شاء الله عليه يحب التجاره يموت فيها وفي اشياء ثانيه ما احب اقولها خلوه هوه يقولها لكم

هاااااوي باشا دورك
المهاجر
30-Jan-2006, 10:01 AM
ههههههههههههههههههههههههههههههه




صادوه هاوي باشا




يلا بانتظاريوم من أيامك




أخوك المهاجر
المهاجر
13-Feb-2006, 09:24 AM
و ي وي



مــــــــافـــي أحـــــــــــد



الـكـل خـايـــــف.



هههههههههههههههههه