الحلو
04-Sep-2005, 04:40 AM
ياصياد الطيور ياخال
صباعك عن زناد الموت
انا عصفور
ضعيف الحال
ولا اكفيش عيالك قوت
انا العصفور
أليف الخضرة والميه
أنا المولود
على كفوف الجناينية
باقول تغاريد
نغمها جديد
على السامعين
بمعني قريب
ومعني بعيد وتورية
طويت الجو بجناحي
وانا طاير
وصحيت في الهوا جراحي
وأنا حاير
ورحت بعيد مع النسمة
وشفت كتير من القسمة
ولما الدنيا تبكيني
هاقول ومسيرها مبتسمة
وطرت كتير على دا الحال
وشفت الحلو والبطال
ياصياد الطيور ياخال
باشوف الصقر فارد في الفضا
باعه
وأتباعه
نشرهم ع الشجر ضاعوا
طيور تانين
صغار مساكين
جواعى
لكن دوام صاحين
ومش قادرين لأطماعه
عشان نابه ومخلابه ومنقاره
تلاقي الكل أحبابه
وسماره
ودنيا تخاف من القوة
وجو الدنيا مش هوة
واشوف بلبل غريب في الدوح
بيرقص رقصة المدبوح
بهفة ريح
سقط عشة
هايشكي لمين وفين هايروح
وآدي له سنين على دا الحال
يقاسي الحلو والبطال
ياصياد الطيور ياخال
ياصياد الطيور حافظ على الخرطوش
دا ميت عصفور كمان زي
مايستاهلوش
هناك الصقر
لو تضرب
على وكره
تلاقي اللحم متكوم
ولا بياكلوش
ياصياد الطيور فكر
وشوف لك صيد يكون
أكبر
صباعك عن زناد الموت
انا عصفور
ضعيف الحال
ولا اكفيش عيالك قوت
انا العصفور
أليف الخضرة والميه
أنا المولود
على كفوف الجناينية
باقول تغاريد
نغمها جديد
على السامعين
بمعني قريب
ومعني بعيد وتورية
طويت الجو بجناحي
وانا طاير
وصحيت في الهوا جراحي
وأنا حاير
ورحت بعيد مع النسمة
وشفت كتير من القسمة
ولما الدنيا تبكيني
هاقول ومسيرها مبتسمة
وطرت كتير على دا الحال
وشفت الحلو والبطال
ياصياد الطيور ياخال
باشوف الصقر فارد في الفضا
باعه
وأتباعه
نشرهم ع الشجر ضاعوا
طيور تانين
صغار مساكين
جواعى
لكن دوام صاحين
ومش قادرين لأطماعه
عشان نابه ومخلابه ومنقاره
تلاقي الكل أحبابه
وسماره
ودنيا تخاف من القوة
وجو الدنيا مش هوة
واشوف بلبل غريب في الدوح
بيرقص رقصة المدبوح
بهفة ريح
سقط عشة
هايشكي لمين وفين هايروح
وآدي له سنين على دا الحال
يقاسي الحلو والبطال
ياصياد الطيور ياخال
ياصياد الطيور حافظ على الخرطوش
دا ميت عصفور كمان زي
مايستاهلوش
هناك الصقر
لو تضرب
على وكره
تلاقي اللحم متكوم
ولا بياكلوش
ياصياد الطيور فكر
وشوف لك صيد يكون
أكبر