انتبه!! لا تقول اسمها؟!!

[أسير]

السلام عليكم ورحمه الله وبركاته

كيفكم ياشباب وياصبايا

اكيد ما فهمتو شي من العنوان .....مبهم........ بس انا بفهمكم

بالامس وصلتني بطاقه حفل زفاف..........شي رائع........ بس لاول مررره دققت بكل كلمه فيها وجدت جمله يسرنا دعوتكم لحضور زواج ابننا (فلان) على كريمة آل فلان

وقتها تذكرت ناصر القصبي في حلقه ولد منيره

وبعدين تذكرت اماكن تجمع النساء ولما يجي الرجال ينادي زوجته يناديها باسم العائله!!!

قلت خليني بس افتح الجريده واشوف الاخبار لقيت مكتوب في الاخبار الإجتماعيه

زواج الشاب فلان على كريمة الدكتور الفلاني؟؟

اتمنى انكم تكونو فهمتو وش اقصد انا وايش مضمون موضوعي بالضبط

سؤال: الى متى يا رجل ستضل تكره ذكر اسم بنات عائلتك ... وهم نصف المجتمع؟؟؟لدرجه ان الاطفال الصغار اصبحو يضنو ان من يذكر اسم امه او اخته عند صديقه انه ارتكب فعل لابد ان يعاقب عليه!!!!
انا لا ارمي الى شي معين
ابى الحكمه ..... ابي اعرف المغزى.. من تخوفكم يا رجال من ذكر اسم البنات؟؟

اود ان اعرف

إلى متى يضل مجرد ذكر اسم المرأة بمجتمعنا عيب
إلى متى يضل يشار للمرأة بــ:(هيه) و(الأهل) و(أم العيال)


على فكره لدي اضافه بسيطه( اذا البدو الي هم البدو حقين الصحرا زمان كانو ينادو بناتهم واهلهم بأساميهم ليش احنا نستحي؟؟؟؟؟)

واخيرا .....ممكن يكون في سبب قوي لهذا انا ما اعرفه واتمنى من الي يعرفه يخبرني. ..... وذا ما في سبب .......لا تعليق

اتمنى اني ما اكون زعلت احد...................وياليت تكونو فهمتوني

[جونة]

مساء سعيد
استاذى هاوى
بصراحة موضوعك هذا راح يفتح ابواب مغلقة كثيرة
المراة فى المجتمع السعودية حقها ضايع
انا فى اى مكان اقول اسمى ولا يهمنى من احد

الف شكر لك


تحياتى الوردية

[حياة الروح]

شوكررررررررن لإلك هااااااااااااااااوي
موضوع مهم كتير

[أسير]

جونه المزيون تحياتي

والواثق من نفسه يمشى ملكا

وبنت الرجال ما تخاف من الرجال

والرسول صلى الله عليه وسلم خير البشر
بل خير الخلائق اجمعين

صلى الله عليه وسلم

ما خجل من اسم امه وبناته وازواجه رضي الله عنهم اجمعين وصلى وسلم عليه تسليما كثيرا


تحياتي جونه خانم ومية ورده لوردة المنتدى

صديزكم


هااااوي باااااشااا

[دكتور الحب]

صرااااحه موضوعك يبيله اكثر من محاااضره ولكن باختصاااااار شديد ارجع السبب الى تغير المجتمع بعد الطفره الاولى طبعا من الباديه والقرى والانغماس بالحضاره ولد خوف وانعكاس من فقدان الهويه صراااااحه ان كانك يهمك الموضوع راسلني

[sihamo]

للمحافظة على التراث الذي ورثناه من زمن الجاهلية لا أكثر لأنه كان اذا بشر أحدهم بالأنثى ظل وجهه مسودا لا أكثر بس من أجل ان لا يظهر ان عنده بنات هذا رأيي انا والله أعلم :1 (64):

[تحدوهاالبشر]

عزيزي الهاوي موضوعك جريء اوكي بيصير كدة نظرا للعادات الجاهلية الي منتشرة بمجتمعنا والتي ماأنزل الله بها من سلطان وانت بنفسك ذكرت خير الامثلة الرسول صلى الله عليه وسلم وهو خير البشر في تعامله مع زوجاته وبناته ولو كان هذا الشي ء غلط او محرم ماكان احد منا عرف اسماء زوجات النبي ولاحتى عرفنا امهات المؤمنين مثل ماقلت لك عادات ماانزل الله بها من سلطان وللاسف نعتقد ونعمل بها
يسلمو على موضوعك الرائع

[الدكتاتور]

اخوي هاااااوي يسلموووو على الموضوع


اولا بالنسبه للاسامي

فإن وربي معروف اسم امي في الحاره

ومن يوم طلعت الشارع واحنا نادي بعض ولد فلانه وولد علانه خخخخخخخخخخخخ


يعني مافيه شي لو ذكرت الاسامي

وفيه بعض كروت الدعوه للزواج والله العظيم انه يذكر اسم البنت المتزوجه في الكرت

يعني عادي ,,, بس العادات والتقاليد لدينا ما ادري لين متى نبي نتمسك فيها

العالم راااااااااااحت فووق القمر واحنا باقي نقول لا تقول اسم امي وربي لا اضربك ؟؟؟

الرسول صلى الله عليه وسلم وهو اشرف الخلق وسيد الانبياء

كان يذكر اسامي بناته وزوجاته

وفي حديث شريف له (( .......... ان لو فاطمه بنت محمد سرقت لقطعت يديها )) صلى الله عليه وسلم

شوف الحين كم واحد قرأ الحديث هذا وعرفه

ملااااااااايين البشريه من عهد الرسول الى الان وعرفو اسم بنت محمد وهي ( فاطمه )

يعني عادي وربي عادي

تبغون اقول اسم امي <== ياويلك من ابوك خخخخخخخخخخخخخخخخخ

هذا اللي عندي

ودمتم بوووووووووود

[المهاجر]

طيب ليييييييييييييييييييييييييييه كل بنات المنتدى داخلين بأسماء مستعارة
وبعض الشباب داخلين بأسماء بنات





طيب وش الحل ؟؟؟؟؟؟؟؟؟؟؟
نقلبها بحري .........................
هههههههههههههههه معليش السموحة .

[المطنوخ]

اتفق مع اخوي الدكتاتور

واضيف يمكن لمعنى الاسم او قدمة مبرر اخر


فمثلا لو اسم امك او اختك او زوجتك منيرة او حصة او شما او هيا


كان قلت والله القهر والله لو اسمها حنان والا نوف والا ريم والا من ذا الاسامي الحديثة كان عادي عندي



اسف على الايطاله ومشكور مديرنا العام

[kuwaiteya]

انا حبيت ارد على الي يقول عيب ان تنادون البنت باسمهتتت بالعكس انا مادري بس في الكويت عندنا عاادي انادي البنت باسمها او عايلتهاااااا .. وانا اتمنى ان اغلب الكويتين نفسكم على الاقل احس اشوي ان اهلي يخافووون علي لووووووووووووووووووول و بالعكس لازم تفتخرون ابترااثكم

[هيثم النقيب]

نحن في السعودية عيب انادي البنت باسمها لو في احد غريب
لكن لو بين الاقارب عادي

[تحدوهاالبشر]

اقووووووووووووووول انا اصحاااااااااااااااااااااااااااااب اخواني كلهم يعرفو اسمي بس بلاكلام فاضي ماعرفواسمي الا لاني كنت صغيرة واتنقز عندهم هههههههههههه كلما جا احد وريته عروستي والاتاري والفستان واتفلسف مع ده واتضارب مع ده ههههههههههههههه عادي.
بس تقولو ليش ندخل باسماء مستعارة احنا يالبنات طيب ماتشوفو نفسكم يالتماسيح حتى انتو تدخلو باسامي مستعارة بس ماعتقد انه هذا له علاقة بالموضوع انه عيب او شي بس يمكن كل واحد يخجل يين شخصيته الحقيقية وخفاياها وافكارها وتحت الاسماء المستعارة يستطيع انه ينطلق بكل ماتخجل به شخصيته الحقيقية ان تبوح بها

[المهاجر]

للأسف مافهمتي قصدي ياتحدوها البشر

[عـــــط ــالغلاء ـــــــر]

يسلموووو على الموضوع الرائع جدا
تحياتي ابــــــــــــــ منااال ــــــــــــــــــــــو

[ياسر2010]

موضوعك مميز جدا
كله من العادات والتقاليد هي الي خلتنا مانقول اسامي الحريم ان كانت للأمهات أو للأخوات البنات مادري ليه السبب لكن لازم من وقفة لتغيير هذة العادات
تقبلوا تحياتي واحترامي للجميع

[اسيـ الاحزان ـره]

يسلموو يالغلا
عالموضوع الرائع والمفيد
صدقت ياخوي حتى انا اسال نفسي هالسؤال
ليــه وش العيب
بس اتوقع انها عادات وتقاليد